Bakıda rusları “Rus Evi”ndən qovurlar. Buna səbəb kimi mülk sahibinin binanı satması göstərilir. Time TV bildirir ki, bu barədə “Rus Evi”nin rəhbəri, “Rossotrudniçestvo” nümayəndəliyinin rəhbəri Yevgeni Primakov “Rossiya 24” kanalına danışıb.
O, deyib:
– Bir müddət əvvəl icarəyə götürdüyümüz binanın sahibi oranı təcili satdığını və köçməyimizi xahiş etdiyini bildirdi. Binanı tərk etməli olduğumuz vaxt yaxınlaşır.

Primakov nümayəndəliyin qeydiyyat məsələsinə də toxunub:
– Rusiyanın Azərbaycandakı səfirliyi, nümayəndəliyimiz və Xarici İşlər Nazirliyimiz bu illər ərzində Azərbaycanın Ədliyyə Nazirliyinə və Xarici İşlər Nazirliyinə qeydiyyata köməklik göstərilməsi xahişi ilə dəfələrlə müraciət edib. Biz hər zaman buna hazır idik, lakin zənglərimiz cavabsız qaldı.

Qeyd edək ki, nümayəndəlik və “Rus Evi” 1997-ci il iyulun 3-də Rusiya ilə Azərbaycan arasında hökumətlərarası saziş əsasında yaradılıb